Nga Klodian Tomorri
Në vend që të vijë vërdallë kot nëpër Ukrainë dhe vende të tjera të parëndësishme, Ministri i Diasporës mund të eksplorojë mundësinë e kanalizimit të kursimeve të emigrantëve në zhvillimin ekonomik të vendit.
Ministria e Diasporës dhe ajo e Financave mund të studiojnë opsionin e emetimit të bondeve të diasporës. Janë një serë modelesh ekzistuese të suksesshme nëpër botë.
India ka përdorur me sukses kursimet e emigrantëve në financimin e borxhit publik dhe projekteve të zhvillimit. Izraeli po ashtu është një model suksesi.
Nevojat tona financiare janë të mëdha. Për shkak të borxhit të lartë publik dhe maturitetit afatshkurtër, ne kemi nevojë deri në 30 për qind të Prodhimit Kombëtar në vit për të shërbyer borxhin publik.
Nga ana tjetër nevojat për investime janë po ashtu të larta. Hendeku ynë infrastrukturor me vendet e Bashkimit Europian është madh. Infrastruktura e dobët, veçanërisht ajo energjetike, hekurudhore dhe sektori i IT-së janë pengesa për zhvillimin ekonomik të vendit.
Bondet e diasporës mund të jenë një opsion i mirë për të mobilizuar kursimet e emigrantëve në financimin e borxhit dhe investimeve publike.
Në vend të kredive me terma tregtar bondet e emigrantëve mund të sillnin interesa më të uleta duke cliruar borxhin nga pagesat e larta dhe duke i lënë më shumë para qeverisë për shërbimet publike.
