Rama: Për shkak të votës për Bashën Tirana humbi vite
Kryeministri Edi Rama dhe kryetari i Bashkisë së Tiranës Erjon Veliaj përuruan sot fillimin e ndërtimin të Bulevardi të ri. Ata në mënyrë demostartive kanë vendosur dy plaka për fillim e punimeve.
Kryeministri Rama duke ju referuar kohës kur Lulzim Basha ishte në krye të Bashkisë tha se ky bulevard dhe Sheshi Skendërbej mbetën pa u bërë.
Gjithashtu Kreu i qeverisë tha se janë njerëzit që me votën e tyre vendosën drejtimin e duhur, dhe fakt është pikërisht ky bulevard.
“Tirana mund ta kishte pasur këtë bulevard sot, sheshin Skënderbej. Për shkak të votës gjërat nuk shkuan siç duhet të shkonin, e për shkak të votës Tirana humbi vite. Po për shkak të votës Tirana sot jo vetëm është rivënë në lëvizje, po është rivënë me një shpejtësi të re, falë lidershipit të kryetarit të bashkisë”, tha kryeministri Rama.
Ndërsa kreu i bashkisë së Tiranës Erion Veliaj e cilësoi projektin polin e ri të Tiranës moderne 2030. Kjo zonë në të ardhmen do të shërbejë për selitë e ministrive, ambasadave dhe se vetë Bashkia e Tiranës do të zhvendoset në Bulevardin e Ri.
“Poli i ri i Tiranës moderne 2030. Kjo do të jetë një hapësirë zhvillimi. Sot kemi grup ambasadash që duan të transferohen këtu. Bashkia e re e Tiranës do të zhvendoset në Bulevardin e Ri”, tha Veliaj.
