Ish presidenti i Republikës dhe kreu i Këshillit Kombëtar të PD, Bujar Nishani nëpërmjet një interviste të bërë ka komentuar rreth krijimit të qeverisë së re në Kosovë dhe idenë e Mini-Shengenit Ballkanik.
Sipas Nishanit, qeveria e re e Kosovës do të ketë në fokus priotitetet e mëdha të qytetarëve të saj.
“Kosova ka rëndësi si faktor stabiliteti në rajon. Pavarësisht ndasive ideolologjike, duket dhe besoj se qeveria e re të ketë në fokus prioritetet e mëdha të qytetarëve të Kosovës. Ne kemi një shprehje në raste të tilla: “e tërheqtë këmbën zvarrë” dhe ardhtë moment sa më shpejt edhe në Shqipëri”, tha Nishani.
Ish-presidenti gjithashtu ka folur edhe rreth Mini-Shengenit Ballkanik dhe është shprehur se për sa kohë Tirana dhe Prishtina kanë një vizion ndryshe nga Beogradi, ky projekt nuk mund të realizohet.
“Për fatin e keq kemi herën e parë në histori në 30 vjet që një kryeministër i Shqipërisë është vetëdenoncuar nga aktet e tij. Jo i papërgjegjshëm por i përfshirë në skenare anti-Kosovë. Nuk më vjen mire që e them këtë, por kjo është një e vërtetë e hidhur që ka krijuar një dëm të madh në raportet Shqipëri-Kosovë. Së dyti, fakti se si një qeveri dhe një politikë vendimarrëse vihet në funksion të platformave dhe projekteve jo anti-Kosovë, por anti-kombëtare.
Jo vetëm mini-shengeni, por edhe procesi i mëparshëm i ndarjes së Kosovës, që rrezikonte gjithë Europën Juglindore, ka krijuar një kosto jo vetëm për politikën e jashtme por edhe për marrëdhëniet mes dyvendeve dhe në rajon.
Është një projekt krjetësisht i dizenjuar në Beograd. Presidenti Vuçiç nuk është vetëm ideuesi, por edhe përfituesi. Me këtë proces izolohet Kosova”, u shpreh Nishani.
Nuk keni marrë asnjë masë… –
Konfindustria i ka bërë thirrje qeverisë Rama që të ndërmarrë pa vonesë një rishikim të plotë të politikës fiskale dhe...
