Besnik Kokonozi, 28-vjeçari nga Përrenjasi ka ndërruar jetë mëngjesin e ditës së djeshme, pasi ishte paraqitur në spital me simptoma gripi.
Pas vizitës të bërë në spital ai është larguar për në shtëpi pasi temperatura i është ulur, por sërish aty është përkeqësuar duke humbur jetën.
Mjeku Bashkim Vasku i spitalit të Librazhdit i cili është marrë me këtë rast ka deklaruar se është një rast i rrallë dhe se nuk kanë konstatuar gjë tjetër përveç virozës.
“Rasti u paraqit në orën 19:15 me skuqje të fytit me temperaturë 39. Aplikuam një medikament për rënien e temperaturës. Më pas u njoftuam se gjendja ishte rënduar dhe konstatuam që ka ndërruar jetë. Përveç asaj skuqjes që pamë dhe gjendjes virale duhet të ketë patur ndonjë problem tjetër.
Nuk konstatuam gjë tjetër nga ai. Temperatura i ra dhe në orën 12:00 i filloi prapë. Nuk e di mori mjekimet që mori apo jo, por që për temperaturën do ketë përdorur. Do të ketë pasur komplikacion, është rasti i rrallë por ne nuk konstatuam gjë tjetër.
Ishte një skuqje e fytit dhe temperaturë 39, kaq. Si gjendje ishte mirë por virozë kishte, jo grip. ‘’, u shpreh mjeku.
Shqipëria rezulton me nivelin më të ulët të sigurisë në punë në Europë –
Shqipëria mbetet ndër vendet me nivelin më të ulët të mbrojtjes dhe përfaqësimit të punonjësve në Europë, sipas raportit “European...
