Presidenti në konferencë për mediat për akuzat e kryebashkiakut
Presidenti Bujar Nishani ka dalë në një konferencë për mediat, një praktikë jo shumë e zakonshme për të, për të denoncuar pikësëpari akuzat e kryetarit të bashkisë ndaj tij.Presidenti ka pasqyruar përmes një monitori të gjtiha deklarata e kryebahskiakut Veliaj ndaj tij duke I cilësuar ato akuza të rënda nga një autoritet lokal ndaj Presidentit të Republikës, Kryetarit të Shtetit Shqiptar.
“ Çdo njeri që vjedh ka një emër, dhe quhet hajdut. shteti shqiptar nuk mund të ketë në krye të tij një njeri që është hajdut. Hajduti e ka vendin në qeli. E ka vendin përballë ligjit. Hajduti dënohet sipas ligjeve të shtetit dhe kodeve përkatëse. Kjo është një çështje që nga sot i kalon për shqyrtim drejtësisë. Drejtësia duhet dhe ka përgjegjësi kushtetuese dhe ligjore, ose të vërtetojë akuzat dhe të identifikojë Presidentin e Republikës si hajdutë, ose përdhosësin e shtetit shqiptar përmes shpifjes ta dërgojë përballë ligjit. Kjo është një rrugë pa kthim, pa ndalesë.
Prandaj, tashmë unë ftoj edhe mediat që të ndjekë me vëmendje të posaçme, gjykimin dhe sjelljen e drejtësisë. Është një proces që duhet të adresohet nga institucionet përkatëse të gjykatës. Personalisht dhe institucioni i Presidentit do të ndjekë çdo seancë dhe çdo vendim gjatë hetimit gjyqësor të veprimtarisë së Presidentit të Republikës dhe akuzat ndaj kreut të Shtetit shqiptar”, tha Nishani.
Protesta e Bashkisë së Tiranës një ditë më parë përpara Gjykatës Administrative, për presidentin Nishani duhet hetuar. Ai I kërkoi Prokurorisë që të nisë hetimet zyrtarisht, ndërsa theksoi se gjyqtarët e ndershëm të këtij vendi duhet të ngrihen për të mbrojtur Kushtetutën. “I kërkoj kryeministrit të dënojë sulmin e dhunshëm ndaj gjyqtarëve të Republikës së Shqipërisë. I kërkoj Prokurorit të Përgjithshëm, zyrtarisht dhe publikisht të hapë dhe të nisë hetimet për dhunën e ushtruar gjatë ditës së djeshme ndaj gjykatës dhe ndaj gjyqtarëve në ushtrim të detyrës dhe për shkak të detyrës.
I kërkoj të gjithë gjyqtarëve të ndershëm që të marrin kurajën dhe të mbrojnë Republikën, është përgjegjësi themelore e institucioneve të pavarura të vendit në një demokraci që funksionon.
I kërkoj qytetarëve të vendit të ruajnë shpresën për të vrarë frikën. Jam i bindur se shoqëria shqiptare përmes sakrificave të mëdha deri në ditën që ne kemi këtë sistem politik dhe kushtetues, do të munden ta ruajnë atë, me gjakftohtësi dhe integritet, gjithë së bashku me aktorët përparimtar të Shqipërisë të vijojmë rrugën e përparimit”, tha Nishani.
