Kreu i shtetit Bujar Nishani ka deklaruar se konsensusi dhe besueshmëria janë dy elementët për suksesin e reformës në drejtësi.
Gjatë një takimi me Drejtuesen e ONM, znj. Genoveva Ruiz-Calavera, Nishani falënderoi BE dhe institucionet e tij për mbështetjen e madhe që i kanë dhënë dhe vazhdojnë t’i japin Shqipërisë në rrugëtimin e saj evropian, përfshirë në reformën në drejtësi.
Nishani theksoi se ftesa e drejtuar ndaj partnerëve ndërkombëtarë për të ndihmuar në realizimin e reformës në drejtësi ka qenë shumë e sinqertë, ndaj përfshirja e tyre edhe në Kushtetutën e vendit, edhe pse përbën një rast unik, është gjykuar si thelbësore për zbatimin efikas të reformës.
Kreut të Shtetit ka kërkuar zbatimin rigoroz të Kushtetutës dhe ligjeve të vendit nga të gjitha palët përfshirë dhe partnerët ndërkombëtarë.
Në fund të takimit, Nishani vuri në dukje edhe domosdoshmërinë e shmangies së çdo tentative për politizimin e procesit, duke inkurajuar transparencën, paanshmërinë dhe kushtetutshmërinë e tij në çdo etapë.
