Presidenti thirrje partive politike të miratojnë ligjet e reformës në drejtësi që pengojnë zbatimin e kësaj reforme
Presidenti Bujar Nishani, deklaron se e ka të pamundur të organizojë shortin dhe të përzgjedhë anëtarët e Këshillit të Emërimeve në Drejtësi.
Këtë proces e pengojnë pikërisht shtatë ligjete reformës në drejtësi të cilat nuk u miratuan brenda korrikut ashtu siç u kërkua nga ndërkombëtarët. Bazuar në kushtetutën e re të miratuar nga kuvendi, pesë ditë pas hyrjes së saj në fuqi, presidenti do të duhej të niste procedurën e përzgjehdjes e kandidaturave për anëtarë të Këshillit të Emërimeve. Por janë shtatë ligjet që e pengojnë plotësisht këtë process pasi do të duhet që kandidatët të kalojnë nëpër disa faza të cilat janë parashikuar në shtatë ligjet e reformës në drejtësi.
Peresidenti e sqaron kështu pamundësinë e tij për të nisur procesin e zgjehdjes së anëtarëev të KED-së: “Duke marrë në konsideratë që Këshilli e Emërimeve në Drejtësi është një nga organet më të rëndësishme në hierarkinë e organeve të pavarura në drejtësi, Kushtetuta ka pasur si qëllim që të përzgjidhen kandidatët me cilësitë më të larta dhe për të respektuar parimin e kushtetutshmërisë funksionale, çmoj se në mungesë të kritereve të tjera që do të përcaktohen me Ligj, Presidenti i Republikës e ka të pamundur të organizojë shortin dhe aq më tepër të përzgjedhë anëtarët e Këshillit të Emërimeve në Drejtësi.
Në mungesë të ligjeve që përcakton kriteret e tjera të kualifikimit të kandidatëve për t’u zgjedhur në Këshillin e Emërimeve në Drejtësi apo edhe të ligjit të organizimit dhe funksionimit të organeve që do të bëjnë rivlerësimin e anëtarëve të përzgjedhur me short, ky short do të ishte joefektiv dhe nuk do t’i shërbente aspak qëllimit për të cilin u bënë edhe ndryshimet kushtetuese.
Presidenti Nishani i ka bërë thirrje partive politike që të angazhohen për të arritur sa më parë konsensusin për të miratuar ligjet e tjera të posaçme, pa të cilat Kushtetuta e ndryshuar nuk mund të zbatohet.
