Protesta për rritjen e çmimeve jo vetëm të hidrokarbureve por edhe ato të sektorëve të tjerë ku përfshihen ushqimet, do të vijojë edhe ditën e sotme.
Në ditën e tretë të marshimit kundër rritjes së çmimeve, ashtu siç u paralajmërua qytetarët do të mblidhen me pankarta në duar në rrethe e në Tiranë para kryeministrisë.
Qytetarë në të gjithë vendin kanë filluar të organizohen në pikat kyçe të qyteteve duke bllokuar rrugët, si shenjë revolte ndaj rritjes galoponte të çmimeve. Raportohet se pasditen e sotme, qytetarët e Berati kanë janë mbledhur në qendrën e qytetit duke bllokuar qarkullimin.
Ndërkohë gjatë ditës së premte ka patur protesta në të gjithë vendin, ku nuk kanë munguar as përplasjet me policinë.
Edhe në Tiranë, dhjetëra qytetarë janë mbledhur para Kryeministrisë.
