Avokati Spartak Ngjela duke komentuar deklaratën e studiuesit grek, se Shqipëria është fëmija i përkëdhelur i SHBA-së dhe ka një plan për krijimin e Shqipërisë së Madhe, shpjegon se politika amerikane ngjason me atë të Austro-Hungarisë në shek XIX.
Ai ka treguar edhe një detaj interesant lidhur me ngritjen e flamurit të Shqipërisë Etnike në stadiumin e Beogradit disa vite më parë.
I ftuar në studion e 360gradë Ngjela tha se “Harta e Dronit”, është e njëjta për të cilën flet edhe studiuesi grek, dhe se kjo është Harta e vjetër e projektuar nga Austro-Hungaria për Shqipërinë e Madhe
“Dronin në Beograd nuk ka mundësi ta ketë ngritur Ballist Morina, pasi edhe poshtë shkruhet Autochtonous Anglisht dhe jo Latinisht”, tha Ngjela.
Sipas Ngjelës, politika anglo-saksone e konsideroi si gabim prishjen e Austro-Hungarisë, dhe ngritjen e Ish-Jugosllavisë.
“Këtu politika amerikane hyri në sinoret e politikës Austro-Hungareze për Shqipërinë. Me Presidentin e SHBA, Wilson del për herë të parë politika amerikane e cila konvergon me atë austro-Hungareze. Që në atë kohë amerika nuk i është ndarë Shqiptarëve”, përfundon ai.
http://360grade.al/33555/bomba-e-spartak-ngjeles-kush-e-projektoi-harten-e-shqiperise-etnike-ne-beograd-dronin-nuk-e-ngriti-ballist-morina/
