Dy persona janë gjobitur nga policia e Sarandës pasi janë kapur duke kryer manovra të rrezikshme me motorë uji në plazhin në Sarandë ku kishte edhe pushues.
U ndëshkuan me masë administrative 10.000 lekë të rinj secili, pronarët e mjeteve lundruese të identifikuar me iniciale G. Zh., 35 vjeç dhe A. H., 45 vjeç, të dy banues në Sarandë.
Gjithashtu u bë bllokimi i mjeteve lundruese me të cilët G. Zh. dhe A. H. kryen manovra të rrezikshme. Gjithashtu u bllokua një tjetër mjet lundrues, në pronësi të A. H., për mungesë dokumentacioni.
.Për çdo rast të mosrespektimit të zonave të kufizuara me bova dhe për çdolloj paligjshmërie tjetër, mund të denonconi në aplikacionin Komisariati Dixhital ose të telefononi në numrin pa pagesë 112, duke iu garantuar anonimatin, reagim të shpejtë dhe profesional.
