Flet për herë të parë spikeri i stadiumit pas gafës së turpshme të ngatërrimit të himnit kombëtar shqiptar përpara sfidës Francë-Shqipëri.
Frank Stanislas Andre Barzhin, i cili mban nofkën Maks Kampo dhe njihet nga të gjithë si Maksi i stadiumit “Stade de France” kërkon ndjesë publike dhe shprehet se është i gatshëm të marë përsipër të gjitha pasojat.
“Nuk kam fjetur dy netë dhe ndjehem tmerrësisht keq për atë që ndodhi. Ishte një gabim shumë i rëndë nga ana ime dhe jam gati të marr përsipër pasojat që ky gabim mund të sjellë”, shprehet Maks Kampo në një prononcim për “L’Equipe”.
Ish-drejtues radiofonik dhe DJ i njohur në Francë, prej shtatorit të vitit 2010 mban zyrtarisht detyrën e animtorit të impiantit më të madh transalpin.
