Të gjeni një dekor origjinal për të bërë “të pavdekshme” ditën më të bukur të jetës, është një sport që të gjithë çiftet që sapo janë martuar e njohin më së miri, por edhe shumë të tjerëve mund t’i kujtohet ai hall i madh i hequr nga supet. Nëse disa gjejnë mënyra nga më të bukurat për t’i bërë këto momente personale virale ne rrjetet sociale, duke e “zënë mat” dashurinë e tyre në mes të një stuhie, në mes të flakëve, nën ujë apo dhe në ajër, të tjerë preferojnë simbolikën, duke patur të njëjtin efekt viral.
Ky është edhe rasti i Hassan Youssef dhe Nada Merhi që kanë zgjedhur që të pozojnë në mes të rrënojave të qytetit Homs në Siri, i shkatërruar nga bombardimet e ndodhura këto dy vjet që kur ka nisur lufta civile mes forcave të Bashar Al Asadit dhe rebelëve kundërshtarë të regjimit të tij. Ky ushtar, 27 vjeçar, dhe bashkëshortja e tij 18 vjeçare, ia kanë besuar fotot e ditës më të bukur të jetës së tyre në duart e fotografit sirian Jaafar Merhi, i cili iu ka dhënë idenë që të bëjnë fotot në rrugët dhe ndërtesat e shkatërruara nga bombardimet në këtë qytet të cilësuar si “kryeqyeti i revolucionit”.
Në foto shikimet e tyre të dashuruar dhe premtimet e tyre kanë krijuar nje kontrast me shkretimin që mbretëron në këtë peisazh që dikur ishte aq i gjallë. Këto momente vetë janë kapur më pas dhe nga Joseph Eid, fotograf i Agjencisë Franceze AFP.
