Një djalë i ri nga Tirana do të hetohet në gjendje të lirë nga Prokuroria e Vlorës, për veprën penale “Kanosja”, pasi sipas policisë, dyshohet se nëpërmjet telefonit, ka kanosur me fjalë vajzën e identifikuar me iniciale F. B., 26 vjeçe, banuese në qytetin bregdetar.
Ndërkohë disa raste dhune janë shënuar në Vlorë dhe në Delvinë, autorët e të cilëve janë në hetim në gjendje të lirë, ndërsa në pranga nga blutë e Vlorës është vënë një person që u kap duke drejtuar automjetin, pa leje drejtimi.
Pritet të zbardhen detaje pas marrjes në pyetje të të arrestuarve.
