Një 30-vjeçar është arrestuar në zonën e plazhit në Jalë me armë me vete. I arrestuari është me inicialet M.K. nga Tirana, ndërsa është arrestuar nga Forca e Posaçme “Shqiponja”.
Në njoftimin e policisë theksohet se i riu u kap në vendin e quajtur kampingu Jalë duke qarkulluar si pasagjer në një makinë.
Gjatë kontrollit në çantën e dorës u gjet dhe u sekuestrua në cilësinë e provës materiale një armë zjarri pistoletë.
30-vjeçari tashmë do të përballet me akuzën e “armëmbajtjes pa leje”. Materialet procedurale do t’i kalojnë Prokurorisë pranë Gjykatës së Shkallës së Parë Vlorë, për veprime të mëtejshme.
