Duke nisur nga nesër vendparkimit do të paguhet vetëm me 1 SMS, targën e makinës nise me mesazh në numrin 50500 dhe nga ky moment ke paguar vendin e parkimit për një orë.
Kryebashkiaku, Erion Veliaj, pasi e demonstroi mënyrën e re të pagesës së parkimit në Tiranë, theksoi se projekti shënon fillimin e një etape modernizimi për kryeqytetin.
Veliaj sqaroi se në momentin kur orari i parkimit të paguar mbaron, atëherë qytetari njoftohet me SMS dhe do të ketë mundësi që ta rinovojë edhe për një orë tjetër vendin e parkimit.
Kreu i bashkisë bëri të ditur se ky projekt po pilotohet fillimisht në disa nga rrugët kryesore të Tiranës, për t’u shtrirë më pas në të gjithë qytetin. “
Ai theksoi se pagimi i parkimit me anë të telefonit mundëson shmangien e kontaktit direkt me punonjësit e bashkisë, si dhe rrit transparencën në menaxhimin e të ardhurave që vijnë prej tij.
Kryebashkiaku theksoi se krahas zbatimit të teknologjisë në një sërë shërbimesh që ofron bashkia, përfshi këtu edhe pagesën e parkimit, në vetëm 1 vit e gjysmë është bërë e mundur krijimi i afro 2 mijë vendeve të reja parkimi nëntokësor. Ai bëri të ditur se çdo e ardhur që vjen nga parkimi do të shkojë për të bërë punë publike në qytet dhe për mbjelljen e pemëve në Pyllin Orbital.
