Instituti i Shëndetit Publik në prag të vitit të ri shkolloj vijon me këshillat e saj për mënyrën se si nxënësit duhet të respektojnë masat anti Covid.
Përmes një postimi në Facebook, ISHP këshillon të gjithë nxënësit të mësohen me normalitetin e ri të krijuar nga pandemia e koronavirusit.
Në reagimin e saj ISHP i bën thirrje nxënësve të ruajnë distancimin fizik, të lajnë dhe dezinfektojnë duart, të mbajnë maskë dhe dritaret e klasave hapur.
Postimi i plote:
“Normaliteti i Ri
Në shkollë duhet të ruhet distancimi fizik, të lahen dhe dezinfektohen duart, të mbani maskë dhe të ajrosni ambientin duke mbajtur dritaret hapur.
Kujdes
Nëse gjatë qëndrimit në shkollë, vini re tek vetja, simptoma të COVID-19, lajmëroni menjëherë mësuesin kujdestar”, shkruan ISHP.
