Mes lotëve të tij dhe të tifozëve italianë në mbarë mbotën, u duk se Buffon i dha fund me kombëtaren, por portieri legjandar është grumbulluar sërish.
“Jemi një vend i çuditshëm. Krijojmë polemika mbi një njeri si unë, pas 25 vitesh që vesh fanelën e kombëtares. Kam kontribuar për Italinë me 7 medalje, që nga skuadrat e moshave. Kam menduar gjithmonë për grupin, kam hequr dorë nga rekordet personale për të mirën e skuadrës. Ky ka qenë gjithmonë roli im. Nuk dua të jem problem. Kur më sqaruan se nuk vija për turizëm, e dija që mund t’i shërbej të rinjve që kemi. Jam 40 vjeç, por jam portieri i Juventusit, që nuk është skuadër dosido”, ka thënë Buffon.
