Gjosha: Pjesë e diskutimeve edhe çështja e pronave
Reforma në drejtësi por edhe çështja e pronave pritet të jenë nesër pjesë e diskutimeve të Tryezës së Dialogut të Nivelit të Lartë Shqipëri-BE. Ministrja e Integrimit Europian, Klajda Gjosha, ka thënë për mediat se përveç pesë prioriteteve, refiorma në drejtësi do të jetë parësore në diksutime. “Do të kemi një diskutim të gjerë në kuadër të 5 prioriteteve, por duke vendosur theksin edhe njëherë tek prioriteti kyç, i cili ka të bëjë me reformën në drejtësi, shtetin e së drejtës dhe zbatimin e ligjit në vend”, ka deklaruar Gjosha. Gjosha tha se nëse palët do të kenë vullnet të mirë, tryeza mund të shërbejë edhe për gjetjen e konsensusit për reformën që cilësohet si më e rëndësishmja në vend. Po ashtu ministërja e integrimit Gjosha ka bërë të ditur se rëndësi do t’i kushtohet edhe çështjes së pronave, e cila është një nga 5 prioritetet e vendosura nga BE-ja.
