Kryeministri i Kosovës, Avdullah Hoti, ka treguar për temat që do të fliten në takimin e delegacioneve të Kosovës dhe Serbisë në Shtëpinë e Bardhë.
Në një prononcim për mediat kryeministri Hoti, ka thënë se ka përgatitur një listë me të cilën do të futet në dialog.
Hoti tha se do të diskutohet për projekte të mëdha infrastrukturore, megjithatë la mundësinë hapur të diskutohet edhe për diskutimin e temave tjera.
“Dakordimi i jonë për këtë takim ka qenë që të diskutojmë për projekte të mëdha infrastrukturore që integrojnë ekonomitë e dy vendeve. Ne e kemi përgatitur një listë të këtyre projekteve. Për neve është në interes të imponohen të gjitha temat gjatë dialogut”, është shprehur Hoti.
