Kryetari i Fondacionit Çamëria “Hasan Tahsini”, Alket Veliu ishte në studion e “Abc-ja e mëngjesit” për të folur për aktivitete që do të mbahen në kuadër të 76-vjetorit të gjenocidit grek mbi popullsinë çame.
E cilësuar si “Java çame” aktivitetet do të kulmojnë me përkujtimin në varrezat e Kllogjerit, për të nderuar mijëra viktima.
Veliu thekson se kanë marrë masa për shkak të pandemisë, ndërsa shton se nuk janë lejuar për aktivitete e tyre, megjithatë i kanë organizuar.
“Gjithmonë në Kllogjer numri i pjesëmarrësve ka qenë i madh. Ne kemi marrë masat tona me masat mbrojtëse dhe distancimin social. Kemi kërkuar leje për të gjitha aktivitet tona, është refuzuar megjithatë ne i kemi zhvilluar aktivitetet tona. Qeveria në vend që të kishte detyrimin për të kujtuar viktimat e gjenocidit grek ajo bën të kundërtën duke qenë jo thjeshtë indiferente, por duke mos lejuar edhe ne çamët dhe gjithë shqiptarët të nderojnë këto viktima”, tha ai. /abcnews.al
