Thënë ndryshe:
– Shqipëria ka zgjedhur sistemin e zhvillimit ekonomik arab ku investimet realizohen nga emiret, sheikët dhe familjet e tyre për të tërhequr paratë e të pasurve nga e gjithë bota, para që nuk shkojnë për rritjen e mirëqënies së argatëve me meditje, por të dinastive klanore.
– realizimi i këtij investimi dhe volumet e krahut të punës që kërkon, do justifikojnë përfundimisht ardhjen e mijëra bangladeshasve & friends
– Bëmë shumë mirë që votuam sërish Ramën se edhe ky arabi që, siç thuhet pagoi darkën tek Nusreti, na konfirmon që ai punon “natë e ditë” për këtë vend dhe se droga, prostitucioni, trafiqet dhe korrupsioni nuk kanë lidhje me 8 vitet e fundit të qeverisjes.
– me shndërrimin e Durranës në Dubai, me votat unanime të 140 parlamentareve, do aprovohet edhe një kushtetutë e re, e cila, sipas modelit të Emirateve Arabe, do përcaktojë që vendi do drejtohet nga 7 përfaqësues të familjeve të oligarkisë lokale, të cilët zgjedhin Presidentin, parlamentin, kryeministrin dhe qeverinë.
– pas realizimit të këtij investimi, hoteleve, shtëpive të dyta dhe investimeve të bëra aktualisht në bregdet do t’u bjerë krejt vlera e do fillojnë t’u ngjajnë periferive të Bangkokut.
Vetëm dy detaje vazhdojnë të më bëjnë habi:
– Nëse ky “bamirësi” i madh arab nuk po e bën këtë investim për fitim, përse vallë ta bëjë?!
– Si ka mundësi që ky “investitori strategjik” po hedh kaq shumë para në një vend të cilit i ngatërron edhe pozicionin gjeografik, pasi në interviste e pazicionon si “facing Greece”?!
