Pas takimit që zhvilloi me ministrin e Jashtëm të Austrisë, kryetari i Partisë Demokratike Lulzim Basha u ndal tek procesi i hapjes së negociatave të Shqipërisë me BE.
Në një dalje për mediat, Basha theksoi se pengesa kryesore e vendit sot është kryeministri Edi Rama, pasi sipas tij shefi i qeverisë po tregon se nuk ka vullnet për tejkalimin e ngërçit politik.
“Falënderova ministrin për mbështetjen e procesit për hapjen e negociatave me BE. E garantova se PD do të bëjë çdo gjë për të kaluar krizën politike. Edi Rama po tregon se është pengesa e vetme për të tejkaluar këtë krizë dhe për të zgjidhur këtë situatë që po na mban peng. Ne jemi vendosur të bëjmë gjithçka që Shqipëria mos të mbetet e kapur nga korrupsioni. Duhet të ecim përpara me qartësi me vizion, të shkatërrojmë lidhjen e krimit me politikën, duke nxjerrë paratë nga xhepat e oligarkëve dhe kthimin e tyre aty nga janë vjedhur, në xhepat e shqiptarëve.
