Arrestohet në Vlorë Armando Filaj për dhunë fizike ndaj të vëllait 30 vjeçar. Nga burime zyrtare thuhet se i dyshuari, banues në fshatin Picar, u ka bërë rezistencë forcave të policisë, duke dhunuar kështu dhe tre policë. Ky shtetas ka qenë me precedent të mëparshëm penal, i dënuar në 2012 për vjedhje sqaron policia lokale.
“Arrestimi i këtij shtetasi u bë për arsye se, më datë 02.06.2016, Armando Filaj është konfliktuar për motive të dobëta me vëllain e tij shtetasin B.F., 30 vjeç duke ushtruar edhe dhune fizike ndaj këtij të fundit.
Pasi shërbimet e policisë kanë shkuar në banesën e shtetasit Armando Filaj, ky i fundit ka kundërshtuar urdhrin e punonjësve të policisë duke mos iu bindur atyre për shoqërimin e tij në drejtim të ambienteve të Policisë Vlorë, për këto arsye u është kundërpërgjigjur duke ushtruar dhunë fizike ndaj 3 punonjësve të policisë (M.A, K.H, dhe H.M)”- bën të ditur policia.
