Ditën e sotme është bërë i ditur lajmi se, kancelari i Austrisë Karl Nehammer do të takohet me presidentin ukrainas Volodymyr Zelensky në Ukrainë në ditët në vijim. Kjo vizitë e tij në shtetin e Ukrainë është konfirmuar edhe nga vetë zyra e kancelarit.
Gjatë këtij takimi, Austria synon që të vazhdojë të ofrojë mbështetjen më të mirë të mundshme humanitare dhe politike për Ukrainën, thuhet në një deklaratë nga kancelari austriak.
Gjithashtu, në këtë deklaratë ai ka shtuar se Vjena tashmë ka ofruar fonde dhe pajisje për Ukrainën dhe do të ofrojë ndihmë të mëtejshme së shpejti.
Së fundmi, zyra e Nehammer ka raportuar se nuk do të bëjë publike detaje të mëtejshme të udhëtimit për arsye sigurie.
