Vaksina e kompanisë AstraZeneca dhe Universiteti i Oksfordit solli shpresë në të gjithë botën, pasi u mendua se shumë shpejtë do të hidhet në treg dhe se koronavirusi do të marrë fund dhe se bota do të ishte e lirë.
Por nuk ka rezultuar kështu, mediat e huaja bëjnë me dije se vaksina nga AstraZeneca dhe Universiteti i Oksfordit është pezulluar.
Pezullimi i saj është bërë pas një reagimi të padëshiruar te një nga vullnetarët të cilit iu është dhënë antidoti, i cili kishte arritur fazën e fundit të eksperimentit.
Studiuesit po hetojnë simptomat e pacientit, për të kuptuar lidhjen e mundshme midis vaksinës dhe efektit anësorë. Studiuesit e kanë quajtur pauzë rutinë.
Vaksina e Universitetit AstraZeneca-Oxford shihet si një konkurrent i fortë midis dhjetra që po zhvillohen globalisht.
Shpresat kanë qenë të mëdha se vaksina mund të jetë nga të parat që do të dalë në treg, pas testimit të suksesshëm të fazës 1 dhe 2 .
