Gjykata e Krimeve Rënda ka lënë në burg 6 nga 7 të arrestuarit të operacionit të drogës, i cili u zhvillua një ditë më parë.
Policia e Shtetit sqaroi dje se gjatë një operacioni ballkanik të zhvilluar në disa shtete janë arrestuar 30 persona ndërsa 23 të tjerë janë shpallur në kërkim.
Në një konference për mediat, krerët e krimeve të rënda të policisë dhe prokurorisë bënë me dije se në kuadër të këtij operacioni në Shqipëri kanë rënë në pranga 14 persona mes të cilëve edhe biznesmenë ndërsa dy të tjerë janë shpallur në kërkim. Në total është sekuestruar gjithsej 26.6 kg heroinë dhe 1.8 kg kokainë.
