Sipas të dhënave të INSTAT nga vendi ynë po largohen gjithnjë e më shumë të veç të rinjve, dhe klasa e “të diturve”, të cilët kanë profesione kyçe në shoqëri.
Largimi i infermierëve, inxhinierëve, mjekëve e mësuesve veç shpopullimit të zonave të caktuara, krijon një hapësirë që shoqëria e ka të vështirë ta plotësojë sërish. Në vitin që lamë pas si pasojë e largimit të të rinjve dhe familjeve nga zonat rurale drejt atyre urbane, dhe shumica jashtë vendit, u mbyllën shumë shkolla, 9 vjeçare dhe të mesme.
Kështu, sipas të dhënave të INSTAT gjatë vitit 2018 kanë emigruar nga vendi ynë më shumë se 38 mijë shtetas, duke iu shtuar numrit total prej 330 mijë shtetas të larguar nga viti 2011-2017. Në 8 vite nga vendi ynë kanë emigruar gjithsej 369 mijë shtetas.
Një jetë më e mirë dhe pagesë me e lartë duket se janë faktorët kryesorë për largimin e tyre nga Shqipëria, kryesisht drejt vendeve të BE. Ndërkohë, si pasojë e largimit masiv të qytetarëve, shumë fshatra dhe qyteza të vogla të vendit kanë shkuar drejt braktisjes totale. Ata që mbeten pas janë kryesisht të moshuarit.
/Newsbomb
