Në frymën e konsensusit që u arrit me reformën në drejtësi, pozita dhe opozita kanë vijuar të miratojnë me unanimitet në komisione edhe ligjet që nuk janë të kësaj rëndësie.
Kjo u vu re edhe në mbledhjen e kësaj të premteje në Komisionin e Ligjeve, ku palët miratuan pa shumë debate dhe brenda 40 minutave dy drafte të paraqitura nga qeveria, të cilat do të kalojnë të hënën në seancë plenare.
Projektligji i parë ishte për rivlerësimin e pasurive të paluajtshme, i cili parashikon që deri ne 27 shkuar çdo person që ka një pronë të paluajtshme në rast se aplikon për rivlerësimin, tatimi mbi të ardhurat në rast shitjeje nga 15% bëhet në 2%.
Përfaqësuesit e opozitës në komisionin kërkuan që kjo vlerë të ishte edhe me e ulet deri në 0.5 %, propozim ky që u rrëzua.
Bylykbashi, deputet i PD: Për njerëzit e thjeshtë që do shesin dhe do blejnë shtëpia në të ardhmen t’ia japin 0.5 %, kur ta shesin tatojeni me 15%. Meqë po ua bëjmë një nder njerëzve, t’ua bëjmë ashtu siç është për ta bërë. Biznese që do të rivlerësojnë pasuritë e tyre, por këtyre njerëzve t’ua japim me 0.5 %.
Xhafaj, deputet i PS: Kjo ishte për periudhën kur haje me lugë floriri, tani me lugë argjendi. Është koha e bollëkut. Kot nuk e kishit ju Sali Bollëku!
Projektligji i dytë lidhet me ndryshimet në ligjin për armëmbajtjen pa leje, i cili pas shfuqizimit nga Gjykata Kushtetuese ka futur në kaos sistemin e drejtësisë. Në projektligjin hartuar nga Ministria e Drejtësisë janë bërë ndryshime në marshin e dënimeve në proporcion me veprën penale si dhe u plotësua edhe vakuumi për armëmbajtjen ne ambiente të hapura dhe mjete motorike. dy projektligjit do te kalojnë të hënën në Kuvend.
