Kryetari i Partisë Demokratike Lulzim Basha kërkon ndryshimin e Kodit Penal.
Vettingu në Politikë, nuk ishte propozimi i fundit i kryedemokratit Lulzim Basha. Sot, ai ka nxjerrë propozimet e radhës kësaj herë për ndryshime në Kodin Penal, ku kërkohet edhe ashpërsimi i dënimin në përputhje me atë të Italisë fqinje. Për këdo politikan që kryen krime zgjedhore, Basha propozon dënimin me 22 vite burg, por edhe ndalimin e përjetshëm të ushtrimit të funksioneve të tjera publike.
“Krahas vettingut në politikë, me qëllim dhënien fund njëherë e mirë lidhjeve të botës së krimit me politikën, @pdshqiperi do të propozojë ndryshimin e Kodit Penal, në përputhje me Kodin Penal italian (n. 416 ter), duke ashpërsuar dënimet për këdo që kryen krime zgjedhore. Nëse politikani, i përfshirë në një skemë të tillë, zgjidhet, ai dënohet me 22 vite burg. 4. Politikanit dhe kujtdo që përfshihet në veprimtari të tilla i ndalohet përjetësisht ushtrimi i funksioneve publike. Qeverisja dhe fatet e shqiptarëve nuk mund të diktohen nga korrupsioni dhe krimi i organizuar. Partia Demokratike do të bëjë gjithçka që zëri i qytetarëve shqiptarë të #dëgjohet dhe vullneti i tyre të #respektohet,”-shkruan Basha.
