Ndotja e ajrit në Shkup situata alarmante

Shkupi vazhdon të ngulfatet nga ndotja enorme e ajrit. Ndotja është mbi çdo kufi të lejuar.

I pari i kryeqytetit deklaroi se të martën pritet që Këshilli i Qytetit të sjellë vendim për zbritjen e çmimit të biletave të autobusëve ose udhëtimin falas. Pos kësaj mase Shilegov tha se është në bisedime me MPB-së për reduktimin e makinave në qarkullim.

Reagimet për gjendjen me ajrin e ndotur kanë mbërritur edhe nga Ambasada e SHBA-së dhe ajo e Rusisë. Në rrjetin social Twitter ambasada amerikane ka kërkuar ide për zgjidhjen e këtij problemi.

Reagimit të ambasadës amerikane i ka paraprirë një shkrim i asaj ruse në të cilën thuhet që “rrjedha turke” do të ishte zgjidhja e këtij problemi jetik me të cilin përballet vendi.

“Për shkak se miqtë tanë nga ambasada e SHBA-ve kërkojnë ide për ajrin e ndotur në Maqedoni, ne duam të ndihmojmë në zgjidhje “rrjedha turke”, thotë ambasada Ruse në Shkup

Nga Enti Hidrometeorologjik thonë se era pritet të ndikojë në pastrimin e ajrit. Ndërsa për nesër paralajmërojnë reshje të shiut.

http://www.balkanweb.com/site/ndotja-zhduk-kryeqytetin-e-maqedonise-pamjet-nga-lart-te-shkupit/