Një 38-vjeçare është arrestuar pasi akuzohet se ka plagosur me thikë vëllain e saj në Divjakë.
Burime nga policia bëjnë me dije se u arrestua në flagrancë e reja e identifikuar me iniciale M. Xh., 38 vjeçe, banuese në Çermë Sektor, Divjakë, pasi, në banesë, ka goditur me mjet prerës (thikë), gjatë një konflikti për motive të dobëta, vëllanë e saj të identifikuar me iniciale Xh. Xh., 34 vjeç.
Ky i fundit ndodhet në spital, jashtë rrezikut për jetën.
Materialet i kaluan Prokurorisë, për veprime të mëtejshme procedurale.
