Grupet e organizuara të tifozerisë shqiptarë janë takuar sot në drekë në Kumanovë, ku kanë filluar me entuziazëm festën e tyre para se të ndërmarrin etapën e fundit të udhëtimit të tyre drejt Strumicës.
Plot 150 tifozë shqiptarë janë nisur nga Tirana në orët e para të ditës së sotme. Mësohet se ky grupim do të vijojë rrugëtimin drejt Prishtinës, ku atje pritet t’i bashkohen edhe 70 antarë të tifogrupit “Plisat”.
Ashtu siç është bërë me dije, në total do të jenë 450 tifozë shqiptarë, 250 bileta janë siguruar nga tifogrupet, 3 tifogrupet “Plisat”, “Ballistët” dhe “Tifozat Kuq e Zi”. Gjithashtu, edhe 20 tifozë të “Illyrian Elite” do të jenë pjesë e këtij grupi, ndonëse janë të dënuar nga FSHF, ndërsa pjesa tjetër e biletave janë shpërndarë nga Federata Shqiptare.
/panoramasport.al/
