Shënohet viktima e parë nga COVID-19 mes bluzave të bardha në Shqipëri. Ministria e Shëndetësisë njoftoi ndarjen nga jeta të mjekut hematolog Arjan Pushi.
Mjeku hematolog po trajtohej prej ditësh në spitalin infektiv ndërkohë që nje ditë më parë gjendja shëndetësore e tij u përkeqësua dhe kolegët e intubuan.
Njoftimi i Ministrisë se Shëndetësisë:
“Ministria e Shëndetësisë njofton me hidhërim të thellë ndarjen nga jeta të profesorit të Fakultetit të Mjekësisë Arjan Pushi, i cili, referuar shërbimit infektiv, ndërroi jetë pak momente më parë në spitalin Infektiv, i prekur nga COVID19, pavarësisht përpjekjes maksimale të stafit mjekësor.
Prof. Arjan Pushi ka patur një karrierë të spikatur në fushën e hematologjisë dhe ka përgatitur shumë breza studentësh të Mjekësisë.
Ministria e Shëndetësisë i shpreh ngushëllime famljarëve dhe miqve të profesor Arjan Pushit”.
