Ministria e Shëndetësisë ka bërë me dije se ka ndërruar jetë një tjetër pacient me koronavirus, duke e çuar në 37 numrin total të viktimave në Shqipëri.
Raportohet se ka humbur jetën te Spitali Infektiv pacienti 68-vjeçar nga Puka, i cili vuante nga spok dhe ishte në gjendje të rëndë i intubuar prej disa ditësh.
“Në 24 orët e fundit ka ndërruar jetë një pacient 68 vjeç nga Puka, i cili vuante nga spok dhe ishte në gjendje të rëndë i intubuar prej disa ditësh. Pavarësisht përpjekjeve të stafit mjekësor 68 vjeçari nuk ka mundur të mbijetojë”, njofton Ministria e Shëndetësisë.
