Një lajm tragjik dhe shumë i trishtë ky i ndarjes nga jeta të 24-vjeçares Valentina Xhigoli Ibrahimi, e cila vetëm pak ditë më parë ishte diagnostikuar me sëmundjen e rëndë të Leukemisë akute.
Ajo nuk mundi ta përballojë sëmundjen dhe ndërroi jetë sot në një spital në Turqi, ku ishte duke marrë trajtim mjekësor.
Tri ditë më parë, Linda Xhigoli, vajza e xhaxhait të Valentinës kishte publikuar në facebook apelin për ndihmë, teksa sqaronte se për trajtimin e saj duhen 200 mijë euro, ndërsa Ministria e Shëndetësisë ka kontribuuar me vetëm 30 mijë euro.
Për fat të keq Valentina u largua nga kjo botë në lule të rinisë, në moshën më të bukur të jetës. Stafi i 27.al i shpreh ngushëllimet e sinqerta familjes.
