Lëvizja e krerëve të Policisë, me në krye Drejtorin e Krimeve, Ardian Çipa u duk se ishte një akt politik, një ofertë e hapur ndaj Bashës me qëllim fillimin e negociatave politike dhe zgjidhjen e krizës.
Ndërsa u mendua se kryeministri Rama me anë të kësaj lëvizjeje me krerët e Policisë do të arrinte të joshte kreun demokrat, Lulzim Basha, ky i fundit e refuzoi duke mos hequr dorë nga kërkesa për qeveri teknike, gjë që më pas u duk se rezultoi në kthim pas të Ramës.
Mirëpo, nga burime zyrtare mësohet se ishin ndërkombëtarët që i kanë dorëzuar Fatmir Xhafajt emrat dhe dosjet e krerëve të Policisë të përfshirë në problematika përgjatë detyrës së tyre në krye të Policisë, kryesisht në drogë dhe korrupsion.
Pra siç duket ky skenar i ngritur mbi kokën e policëve nuk është thjesht një lojë për marrëveshje politike mes Ramës dhe Bashës, por ka një përfshirje direkte të ndërkombëtarëve, të cilët më shumë se kurrë janë me sy nga Shqipëria dhe kriza në vend. /City News
