Detaje të reja zbardhjen nga ngjarja e ndodhur mëngjesin e sotëm, te selia e Partisë Socialiste, ku u kap në tentativë për t’u futur brenda selisë 40-vjeçari Vladimir Gjuta, i cili ishte i armatosur.
Mësohet se Gjuta ka pasur me vete një pistoletë të mbushur, një karikator me 22 fishekë, si dhe një shumë e madhe eurosh, paundësh dhe dollarësh amerikanë, ku dyshohet të kenë qenë mbi 100 mijë euro.
Gjuta është pikasur nga gardistët, të cilët shoqëronin kryeminsitrin Rama dhe ministrat që ndodheshin në seli pasi po zhvillohej mbledhja e kryesisë së partisë.
Në polici ai deklaroi se e mbante armën sepse po shkonte të këmbente një sasi të madhe eurosh në një pikë këmbimi valutor pranë selisë së PS.
Pas kësaj ngjarjeje, garda mori masa shtesë sigurie ndaj Ramës. Ai erdhi me makinën “Mercedes”, por shoqëruesit i thanë se duhej të hipte tek mjeti i blinduar “Lincoln”, me të cilën lëviz në Shqipëri për arsye sigurie.
