Është ndarë sot nga jeta oficeri i policisë së Ferizajt, Bedri Rexhaj.
Lajmin e bën të ditur, kryeministri në detyrë i Kosovës Ramush Haradinaj i cili në një postim në rrjetet sociale shpreh pikëllimin e tij të thellë për një luftëtar trim, që i shërbeu kurdoherë atdheut me dinjitet.
Më tej Haradinaj shton se oficeri Rexhaj e nderoi uniformën e shtetit me shërbimin e tij.
“Pikëllues lajmi për vdekjen e hershme të oficerit të Policisë së Kosovës në Ferizaj, Bedri Rexhaj i njohur si Galani. Bedriu, si një luftëtar trim i UÇK-së i shërbeu kurdoherë me nder dhe dinjitet atdheut dhe e nderoi uniformën e shtetit me shërbimin e tij. U prehsh në paqe, Bedri!”, shkruan ai.
