Mbrëmjen e djeshme është ndarë nga jeta profesor Maksim Cikuli. Ai njihet për kontributin e tij si mjek dhe pedagog i gjenetikës. Cikuli është ndarë nga jeta në moshën 68-vjeçare.
Ai është themeluesi i shërbimit të vetëm kombëtar të gjenetikës në Shqipëri, ndërsa si politikan, shërbeu në poste të rëndësishme në qeveritë e Partisë Demokratike.
I lindur në Korçë në vitin 1952, profesor Cikuli ka qenë Ministër i Shëndetësisë dhe i Mbrojtjes së Mjedisit.
Ai ka ishte pjesë e forumeve drejtuese të PD që prej vitit 1994, si anëtar i kryesisë së PD, anëtar i Këshillit Kombëtar dhe dy herë deputet në legjislaturën e viteve 1996 dhe atë të vitit 2001.
Profesor Maksim Cikuli njihet si përfaqësues i nderuar i elitës qytetare dhe intelektuale të Tiranës, një zë i moderuar, që punoi me ndershmëri dhe mbrojti parimet e njeriut të lirë.
