Ka ndërruar jetë ish-anëtari i Partisë për Prosperitet Demokratik të Shqiptarëve në Maqedoni, Sali Ramadani, i lindur në vitin 1939 në Kërçovë.
Sali Ramadani ishte një protagonistë i politikës në Maqedoni në periudhën nga mesi i viteve të 90-ta si deputet i PPD apo më vonë PDSH-së në Parlamentin e Maqedonisë.
Më 8 korrik të 1997 nga foltorja e Parlamentit të Maqedonisë nxori flamurin kombëtar dhe e shpalosi pranë sallës së Parlamentit. Kjo ngjarje tensionuese ndodhi vetëm një ditë para ngjarjeve të Gostivarit të 9 korrikut të vitit të njëjtë, shkruan ‘tetova sot’.
Shërbimet e Parlamentit reaguan fuqishëm, por Ramadani nuk u tremb. Derisa një pjesë e madhe e mediave dhe ekspertëve maqedonas për çështje juridike, që edhe sot janë protagonistë aktual në politik kërkuan arrestimin e tij. Kryetar i Parlamentit ishte socialdemokrati Tito Petkovski, i cili reagoi ashpër, duke kërkuar ndërhyrjen e shërbimeve për heqjen e deputetit Ramdani nga foltorja.
http://www.tetovasot.com/2018/01/nderoj-jete-deputeti-i-pare-qe-ngriti-flamurin-shqiptare-ne-parlamenti-e-maqedonise-sali-ramadani/
