Është ndarë nga jeta në moshën 90 vjeçare shkrimtari me famë botërore Dario Fo. Shkrimtari ka fituar çmimin Nobel për letërsinë në 1997. Dario Fo vdiq në Milano, disa ditë pasi ishte shtruar në një spital.
“Italia humbi një nga protagonistët e mëdhenj të teatrit dhe të kulturës”, deklaroi kryeministri italian, Matteo Renzi.
Dario Fo fitoi famë ndërkombëtare me ”Misteri i çuditshëm” me temë nga Mesjeta dhe më pas me veprat “Vdekja aksidentale e një anarkisti” dhe “Marijuana e nënës është më e mira”.
