Kryeministri Edi Rama ka folur për marrëdhëniet mes Shqipërisë dhe SHBA-së gjatë një ceremonie për dekorimin e gjeneralit Tod Daniel Wolters. Rama gjithashtu premtoi se shumë shpejt mund të ketë një bazë detare të NATO-s në Shqipëri.
“E lashë për këtë moment që ti them gjeneralit që nesër do kemi mundësi t’i tregojmë disa prej ideve e në këto kohë mjaft specifike të rrezikshme besoj që ai sërish do konsiderojë për të pasur një bazë detare të fjalës së fundit të NATO-s në Shqipëri. Na takon ne që ti paraqesim projektin atij e ti tregojmë atë për çka kemi punuar e më pas ai më pas që prej fillimit do jetë avokati e mbështetësi i kësaj ideje” – u shpreh Rama.
