Emisioni “Narcotica” në Rai 3 e cilëson Lazaratin, një fshat në Shqipëri si qendrën e prodhimit të marijuanës, skenave të operacioneve masive dhe përplasje të armatosura policore.
Prokurori i antimafias Nicola Gratteri tregon për Rai3 se një e treta e Shqipërisë është e mbjellë me kanabis ndërsa grupet kriminale kanë lidhje të forta me qeverinë.
Prokurori italian që ndodhet në Shqipëri, Francesco Mandoi ka treguar për “Narcotica” se si një hetim i nisur nga drejtësia italiane ka bërë të mundur bllokimin e një sasi prej 14 mijë kilogramë kokainë që ishte bërë gati në Venezuelë dhe do të sillej në bazën e Porto Palermos në Shqipëri me nëndetëse.
“Me hetimin tonë ne bëmë të mundur që të shkatërronim një organizatë që kishte bërë një plan të detajuar që të vinte në funksion bazën e nëndetëseve në Porto Palermo për të sjellë kokainën në Shqipëri me nëndetëse, duke e marrë në Amerikën Latine”, është shprehur prokurori Francesco Mandoi.
“Lazarat është një fshat i vogël në zemër të Shqipërisë që konsiderohet prej kohësh qendra e kultivimit të marijuanës, skena e operacioneve masive policore dhe përplasjeve të armatosura.
Programi fillon nga Lazarat për të treguar historinë e Shqipërisë, një nga vendet kryesore prodhuese të marihuanës, por mbi të gjitha, tokës së një prej mafiozëve më të egër dhe të rrezikshëm në zhvillim në botë që lufton me kontrollin e rrjedhës së kokainës nga Amerika e Jugut dhe kontrollonin e opiumit dhe heroinës që kalojnë Ballkani dhe Afganistani.
Prokurori Gratteri dhe koloneli D’Angelantonio del Ros i Karabinierëve tregojnë për hetimet për klanet shqiptare dhe bashkëpunimin me Prokurorin Francesco Mandoi i cili jeton në Tiranë për të koordinuar hetimet.”– shkruhet më tej në artikull.
Artikullin e plotë e gjeni duke klikuar këtu.
