Pedagogët ia kanë dhënë votën në shumicë, kandidatit për rektor të Universitetit të Tiranës, Mynir Koni. Ai ka marrë 460 vota të pedagogëve përkundrejt 243 votave për rivalen e tij, Klodeta Dibra. Do të duhet të përfundojë procesi i numërimit të votave të studentëve për të shpallur fituesin.
Ndërkohë në Universitetin e Mjekësisë, Arben Gjata kryeson me 107 vota, pas tij vjen Bare dhe më pas Mira Rakacolli me 60 vota.
Kryetarja e KIZ, Majlinda Keta tha për Ora News se duhet të pritet edhe vendimi i studentëve për të dhënë rezultetin.
“Çertifikimi i rezultateve të Tiranës është në nivelin e analizës së votës për rektorin e universitetit. Filiali i Kukësit, i Sarandës, Edukimi Fizik i kanë mbyllur rezultatet. Asnjëri prej nesh nuk ka të drejtë të shpallë rezultatin paraprak. Ne do të presim atë çfarë kanë thënë studentët për të thënë se kush do të ketë të drejtën të vazhdojë rolin e rektorit në Universitetin e Tiranës. Komisioni Institucional i Zgjedhjeve tha se pjesëmarrja në votim e stafit akademik ka qenë në nivelin e 98%, ndërsa pjesëmarrja e studentëve ishte në nivelin e 40-50%”, tha Keta.
