Shkrimtari dhe diplomati, Besnik Mustafaj, ka komentuar situatën politike në vend dhe protestën e opozitës. I ftuar në rubrikën “Opinion” në televizionin News 24, Mustafaj e vuri theksin tek problemet që shkakton mungesa e opozitës në zgjedhje. Ai tha se zgjedhjet pa pjesëmarrjen e opozitës lënë të papërfaqësuar gjysmën e shqiptarëve dhe mungesa e saj në parlament shkakton krizë politike. Ndërkohë kryeministri Rama duket krejtësisht i painteresuar për këtë situatë.
“Gjatë 29 ditëve ne nuk kemi asnjë hap afrimi për të mundësuar një kompromis midis palëve. Pas një muaji protestë mund të shtohet vetëm shqetësimi, pasi shohim një qeveri absolutisht të painteresuar për kërkesat e opozitës. Nëse Rama i bën zgjedhjet pa opozitën, atëherë realisht vendi nuk ka zgjedhje”- tha Mustafaj./ balkanweb.com
