Një nga emrat më të mëdhenj të futbollit botëror, Diego Armando Maradona e cilëson eleminimin e Italisë nga “Kupa e Botës” si një nga mungesat më të mëdha në historinë e kampionateve botërore.
“Më vjen shumë keq që Italia nuk do të jetë në Kupën e Botës. Italianët e bëjnë shumë tërheqëse këtë veprimtari dhe mendoj se kjo është një nga mungesat më të mëdha në historinë e kampionateve botërore. E pashë ndeshjen. Italia luajti ashtu si donte Suedia, me krosime. Suedezët kishin qendërmbrojtës gjigantë. Është shumë e trishtë që nuk do e shohim Italinë në Rusi. Kjo tregon se eliminatoret po bëhen gjithnjë e më të vështira”, është shprehur argjentinasi.
