Pas deklaratave të Agjencisë Kombëtare e Barnave bën me dije se qendrat shëndetësore dhe spitalet janë të pajisura me serumet antitetanik dhe antivipera që në fillim të sezonit turistik, ka reaguar ish-deputetja e PD, Albana Vokshi.
Përmes një postimi të detajuar në Facebook, ish deputetja shprehet se agjencitë shtetërore po mashtrojnë publikun me deklaratat e tyre.
Postimi i plotë
– A mbajnë përgjegjësi Operatori i Kujdesit Shëndetësor dhe Agjensia Kombëtare e Barnave, për mashtrimin që i bëjnë publikut???
– Të dy agjensive ju deshën më shumë se 24 orë, për një reagim mbushur me mashtrime në lidhje me serumet anti-viper dhe anti-tetanik.
Një miku im mjek me telefonoi sot pasdite e me njoftoi për një reagim që kishin bërë Operatori i Kujdesit Shendetesor dhe Agjensia Kombetare e Barnave në lidhje me një statusin tim në fb për mungesat në rrjetin e hapur të farmacive ai dhe në qendra shëndetësore e spitale të serumeve anti-tetanike dhe anti-viper.
Kërkova reagimin zyrtar në faqen e Ministrise dhe të Ministres se shëndetësise si dhe ne fcb përkatese, por nuk e gjeta. Kërkova më tej në faqen zyrtare të Agjensisë së barnave, si dhe në fcb të saj. Përvec propagandës rilindase dhe shpërndarjes se çdo aktiviteti të Ministres Manastirlliu, nuk gjeta asgjë për barnat që mungonin.
Më së fundi e gjeta reagimin në pak portale lajmesh online. Në të, të dy agjensitë, njoftonin që nuk kishte mungesa të serumit antitetanik dhe anti viper as në rrjetin e hapur farmaceutik as në të gjitha qendrat shendetësore apo spitalet.
Për të mbuluar skandalin, kanë futur në reagim edhe Agjencinë Kombëtare të Barnave që në fakt duhet të përgjigjet për cilësinë, kontrollin dhe sigurinë e barnave, të cilat NUK PO I KRYEN. Por në rastin konkret, Agjencia Nuk është përgjegjëse për furnizimet me barna. Ajo thjesht pajis importuesit me autorizimet e nevojshme. Ndaj, minimalisht, drejtuesi i Agjensisë mund të kishte heshtur e jo të bëhej bashkëfajtor.
Gjithashtu, miq që punojnë në qendra shëndetësore më thanë, që të djelën në orën 10.30 në mëngjes, operatori i kujdesit shendetësor, kishte dërguar një email, ku i kërkonte drejtorive rajonale shëndetesore të njoftonin me URGJENCE, brenda orës 12.00 (po ditën e djelë), gjendjen e injeksioneve antiviper dhe antitetanik për çdo qendër shendetësore.
Duke pasur të gjithë dëshirën për të qenë gabim vetë, e për t’i besuar këtij reagimi, (pavaresisht që muajt e fundit në PD kanë ardhur shumë denoncime e ankesa per mungesa), duke mos ju referuar as dëshmive me zë e figure të emisionit fiks fare, bëra një kërkim të shpejtë. Në të dy qendrat shendetësore për të cilat pyeta në Luz të Vogël dhe Lekaj të Kavajës, nuk kishte as serum anti-tetanik dhe as anti-viper.
Në rrjetin e hapur të farmacive të dy serumet MUNGOJNE!!
Ajo çka e bën edhe më të rëndë situatën është që në farmaci mungojnë edhe shumë barna te tjera jetike, alternativa të para ose të vetme të listes. Për të cilat pacietet detyrohen ti drejtohen kondrabandes ose t’i luten Zotit.
Eshte i turpshëm shpërdorimi me postin dhe mashtrimi i publikut sidomos për çëshjtje shendeti dhe jete.
Edi Ramës nuk i interesojne qytetaret, por oligarket. Ndaj me Edi Ramës shëndetesia dhe farmaceutika do vaZhdojnë të jenë sektoret që lengojnë më shumë për shkak të vjedhjes, abuzimit dhe korrupsionit galopant.
#MeEdiRamenNukKaSherbimShendetesorPerQytetaret
#ShendetesiFalas = #VuajtjeFalasPerQytetaret
