Muharrem Rama, kandidati i koalicionit të majtë për Bashkinë e Dibrës, në formularin e publikuar online të KQZ-së ka vetëdeklaruar se nuk është dënuar asnjëherë më parë
Kandidati Rama u shpreh se nuk ka pasur asnjë çështje të hapur dhe se nuk është larguar asnjëherë nga Dibra. Rama pohon se ndaj tij nuk është lëshuar asnjëherë një urdhër ndërkombëtar kërkimi për kryerje të veprave penale duke mohuar kështu akuzën e ish-kryeministrit Sali Berisha se ka qenë person me precedent penalë në Zvicër.
Kandidati për kryetar Bashkie në Dibër shpjegon se në shtator të vitit 2001 deri në nëntor të po këtij viti, ka qenë për specializim në Danimarkë dhe më pas në tetor të vitit 2004 deri në nëntor të 2004-ës ka qenë në Breshia të Italisë për arsye shëndetësore.
