Një aksident i rëndë me pasojë vdekjen e një gruaje ka ndodhur pasditen e sotme pranë “Gjirit të Lalëzit”. Mësohet se ngjarja ka ndodhur në fshatin Rrotull, ku gjatë parakalimit në një kthesë janë përplasur dy automjetet.
Një nga makinat e përfshira në aksident ishte një Fuoristradë ku udhëtonte një shtetas francez dhe e fejuara e tij, ndërsa në makinën tjetër dy motra dhe fëmijët e tyre.
Si pasojë e përplasjes, njëra nga motrat ka mbërritur pa jetë në urgjencën e Durrësit, personat e tjerë të përfshirë në aksident janë jashtë rrezikut për jetën.
Policia ka nisur sakaq hetimet për ngjarjen.
