Ngjarja që ndodhi sot në Himarë, ku një fëmijë 7 vjeç humbi jetën pasi u përplas për vdekje nga një motoskaf, nga ka tronditur të gjithëve. Motoskafi që drejtohej nga një polic i Elbasanit ecte me shpejtësi marramendëse dhe la të vdekur në vend para syve të familjes vogëlushen, që po pushonte në breg të detit. Reagimet janë të shumta dhe rrjeti po zien nga kjo tragjedi që i preu jetën në mes fëmijës dhe tronditi familjen. Ndërkohë, tashmë ka ardhur një reagim nga gazetari Elton Qyno.
Përmes një postimi në Facebook, gazetari denoncon se si në çdo plazh të Shqipërisë mund të shohim të rinj të cilët marrin motoskafë dhe bëjnë manovra të rrezikshme shumë pranë bregut pa e carë kokën varë se rrezikojnë jetë njerëzish. Gazetari tregon se këto janë raste të shumta dhe në rastin konkret duket në video një i ri i cili drejton në mënyrë të çmendur shumë pranë bregut motoskafin, duke bërë manovra nga më të ndryshmet thjesht për të kënaqur egon e tij dhe për ta publikuar videon në Tik-Tok.
Qyno denoncon se video të tilla shohim çdo ditë në rrjetet sociale dhe për këtë Policia e Shtetit duhej të kishte marrë masa më herë, që sot të mund të parandalonte këtë tragjedi. “Gledis Nano, kur do ndalohet njëherë kjo Bisha e zezë, se me ketë ecje qe bën ky bosi i narcos, po humbi kontrollin ky, u ngjit në maj te Llogarisë”, shprehet Qyno.
Sakaq, kujtojmë se ky nuk është rasti i parë në vendin tonë. disa javë më parë një çift u godit me skaf në plazhin dhe madje i riu iu nënshtrua disa operacioneve pasi ishte në rrezik për jetën. Një tjetër rast i rëndë ndodhi në plazhin e Jonufrës, ku një 40-vjeçar duke drejtuar një mjet lundrues tip gomone dëmtoi një fëmijë 7-vjeçar që ishte duke notuar në afërsi të bregut. Fatmirësisht ishte jashtë rrezikut për jetën.
